விஜய் – அனிருத்

விஜய் – அனிருத் கம்போ என்றாலே அது சூப்பர்ஹிட் தான். கத்தி படத்தில் தொடங்கி லியோ படம் வரை விஜய்க்கு தரமான பாடல்கள் மற்றும் பின்னணி இசை கொடுத்துள்ளார் அனிருத். இதனால் விஜய்யின் கடைசி படமான ஜனநாயகன் படத்தையும் அனிருத் இசையமைக்க விஜய் முடிவு செய்தார்.

வருகிற ஜனவரி 9ம் தேதி ஜனநாயகன் படம் வெளிவரவிருக்கும் நிலையில், கடந்த மாதமே இப்படத்தின் முதல் பாடல் வெளிவரவிருந்தது.

கரூர் துயர சம்பவம்

ஆனால், கரூர் துயர சம்பவம் மிகப்பெரிய தாக்கத்தை தமிழ்நாட்டில் ஏற்படுத்திய நிலையில், பாடல் வெளியீட்டை தள்ளிவைத்தனர். பாதிக்கப்பட்ட மக்கள் விஜய் சந்தித்தபின் தவெக கட்சியின் சிறப்பு பொதுக்குழு கூட்டம் நடைபெற்றது.

இதை தொடர்ந்து அவருடைய ஜனநாயகன் படத்தில் இருந்து அப்டேட்டும் வெளிவந்தது. அனைவரும் எதிர்பார்த்தபடி ஜனநாயகன் படத்தின் முதல் பாடல் இன்று வெளியாகியுள்ளது.

முதல் பாடல்

அறிவு, அனிருத் மற்றும் விஜய் ஆகிய மூவரும் இணைந்து இந்த பாடலை பாடியுள்ளனர். அறிவு இப்பாடலுக்கு வரிகள் எழுத அனிருத் செம மாஸாக இசையமைத்துள்ளார். இந்த பாடலில் விஜய்யின் நடனம் வெறித்தனமாக இருக்க அவருடன் இணைந்து பூஜா ஹெக்டே மற்றும் மமிதா பைஜூ நடனமாடியுள்ளனர்.

விஜய்யின் கடைசி படம் என்பதால், இப்பாடலை அவருக்காக சிறப்பாக இசையமைத்துள்ளார் அனிருத். மேலும் அரசியல் சார்ந்த விஷயங்களும் சில இந்த பாடலில் இடம்பெற்றுள்ளன. ஆனால், பெரிதளவில் அரசியல் இல்லாமல் முழுக்க முழுக்க விஜய்யை கொண்டாடும் விதமாகவே இந்த பாடல் அமைக்கப்பட்டுள்ளது.

மூன்று நிமிடம் 22 வினாடிகள் வரும் இந்த லிரிகள் பாடலில், இறுதியில் சர்ப்ரைஸ் ஒன்றை உள்ளது. ஆம், 1 நிமிடம் விஜய் தொடர்ந்து நடனமாடியுள்ளார். ஆனால், அதை இந்த லிரிகள் பாடலில் காட்டவில்லை. அதனை திரையரங்கில் பாருங்க என கூறிவிட்டனர். கண்டிப்பாக அந்த பாடல் வெறித்தனமாக இருக்கும் என்பதில் எந்த ஒரு சந்தேகமும் இல்லை.